CCXCVI.

1399, September 3. Frankenstein.

Dieselben urkunden über einen mit dem Kloster abgeschlossenen Vergleich wegen der Fischerei in der Neisse.

Nos Heyncko Pictoris, Johannes Ludwici, Johannes Wrowin, Nicolaus Sifridi consules civitatis Franckensteynensis omnibus hanc paginam intuentibus publice profitemur, quod cum fluvium nostrum Nissam in suis limitibus protensum a villa Gerigsdorff usque ad obstaculum, vulgariter "Hellwer", quod directe subtus litoribus greniciarum villule Harth et allodii Grunaw situatum fuisse dinoscitur, vigore privilegii nostris portionis piscatoribus exponere voluissemus, intelligens hoc reverendus in Christo pater ac dominus, dominus Johannes abbas monasterii Camencz, veniens ad nos in civitatem nostram Franckensteyn, deposuit, quod si huiusmodi exposito piscature effectum sortiretur, suo monasterio multa incomoda et suis subditis varia inconvenientia inde evenire ex eo, quod aque ille per monasterii ac laycorum agros fluentes nec in uno nec in alio littore agros diruerent et piscatores in litoribus semitas faciendo segetes ac gramina laycorum conculcarent, ex quo magne discordie et forsitan homicidia evenire possent, quodque piscatores ita suscipiendi ampnes sive alia instrumenta ad pisces capiendos pararent, ex quibus maior agrorum diruptio fieret, quod non in parvum vergeret monasterii detrimentum. Quare nobis reverendus pater predictus amicabiliter supplicavit, quatenus huiusmodi piscaturam iuxta antiquam consuetudinem in suis libertatibus vicinalis concordie ob respectum permitteremus. Nos ergo hec ita suscipientes ad totius nostre communitatis aures deduximus et sic unanimo omnium consilio et consensu admittimus et concedimus, quod homines in villulis domini abbatis tribus diebus in septimana, secunda, quarta et sexta feriis ac aliis singulorum diebus ieiuniorum absque omni pensione piscari valeant, pisces vero, si qui eis vendendi sunt, ad civitatem nostram deferant; favemus etiam, quod piscatores quicunque sine nostro impedimento domino abbati pisces portent. Volumus etiam, quod nullus piscatorum aliquam semitam vel ampnem seu aliud instrumentum ad pisces capiendos faciet, quod in dampnum domini abbatis aut suorum vergere posset. Et si unquam factum fuerit, dominus abbas cum suis habeat facultatem illud deponendi. Ut autem posteris nostris omnis dissensionis precludatur materia, volumus hec et bona fide promittimus perpetuis temporibus esse duratura. Et ad evidentiam huius facti pleniorem presens scriptum nostri sigilli appensione fecimus communiri. Datum et actum in Franckensteyn proxima quarta feria ante festum Nativitatis beate Marie virginis anno domini millesimo tricentesimo nonagesimo nono.

Or. Perg. S. an Pergamentstreifen wie bei voriger Nummer.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.